Ya Ghareeb, Ya Hussain

Haye Ghareeb, Haye Hussain

Maqtal mein gir raha hai x2 Sambhaalo Hussain ko

Ya Fatima rida mein chupaalo Hussain ko

1) Paiwast hai ghareeb ke, pehlu mein barchiyaan

Tum ko uthne deti, nahin tooti pasliyaan

Lekar Ali ka naam x2 Uthaalo Hussain ko

2) Deewar o dar ke beech jo, armaan reh gaye

Rakhi huwi thi dil mein jo, Mohsin ke waaste

Wo loriyaan bhi aaj x2 Sunaalo Hussain ko

3) Solaa peher ki pyaas hai, aur hai labon pe dum

Dekar ghareeb betey ko, Abbas ki qasam

Paani agar miley to x2 Pilaalo Hussain ko

4) Sheh ki ghareeb beti ke, armaan ki tarha

Godi mein lekey teesri Shabaan ki tarha

Kuch der ho sake to x2 Sulaalo Hussain ko

5) Haidar tarap rahe hain, Payambar hai be qaraar

Tum kaise sun rahi ho, sadayein yeh baar baar

Ik shor hai zameen par x2 Giraalo Hussain ko

6) Ache nahin iraadey, yazeedi sipaaha ke

Paaon nikal rahe hain, rakaabon se Shaah ke

Ghazi nahi hai tum hi x2 Sambhaalo Hussain ko

7) Zainab sada yeh deti hai, ay be qaraar maa

Zakhmon ko mil ke baandhegi, Haidar ki betiyaan

Khaime mein aik baar x2 Bulaalo Hussain ko

8) Rone lagi ay Mir Takallum wo gham zada

Phailaake apne haath jo, Shabbir ne kaha

Godi thori der x2 Sulaalo Hussain ko

Ya Fatima rida mein chupaalo Hussain ko