Dekha jab baap ka laasha, to Sakina royi

Shimr ne maara jo durra x2 to Sakina royi

1) Na mila paani usse, aag bujhaane ke liye x2

Jal gaya bhaayi ka jhoola x2 to Sakina royi

2) Or kar sar pe rida, kaan mein dur pehne huwe x2

Saamne aayi jo Ramla, to Sakina royi

3) Maar kar Sayed e Mazloom ke honton pe chari x2

Jab hassaa haakim e Kufa x2 to Sakina royi

4) Kya Sakina ho tumhi, itna bataado Bibi x2

Hind ne aake jo poocha, to Sakina royi

5) Chaahti thi, ke wo le aaye usse khaime mein x2

Baap ka laasha na utha x2 to Sakina royi

6) Qaid mein sunte huwe, baap ke sar se lori x2

Zakhmi honton ko jo dekha, to Sakina royi

7) Mir Sajjad, wo naaqe se giri royi nahin x2

Aake daadi ne uthaya x2 to Sakina royi

Dekha jab baap ka laasha to Sakina royi