Shaam haaye Shaam

Teri ummat ke zewar pehen kar x2

Dekho naana chali hoon main shaam

Shaam haaye Shaam

1) Main deti kafan tujh ko bhaiyya, gar sar pe rida merey hoti

Gar hotey khuley haath merey, tere zakhmon ko haathon se dhoti

Paaband e rasan sar barehna x2 Dekho bhaiyya chali hoon main shaam

2) Jisse Zainab ko tumne baraadar, kabhi nazrein uthaakar na dekha

Haath rassi se merey bandhey hain, aur sar par nahin merey parda

Kaise kufe mein jaaoongi Ghazi x2 Jab balwe mein aayega naam

3) Jaise darbaar paas aa raha hai, mera dil doobta jaa raha hai

Main to ghar mein bhi kam bolti thi, bhayi tum ko to sab kuch pata hai

Kis tarha se karegi bataade x2 Ik sharaabi se Zainab kalaam

4) Dil yeh kehta hai ro ro ke bhaiyya, kaash Abbas moujood hota

Kaat deta wo us ki zabaan ko, koyi baaghi agar mujh ko kehta

Dekhti phir main kis tarha leta x2 Koyi Zainab ka majme mein naam

5) Kar rahe hain yeh has has ke shaami, aane waale hain darbaar baaghi

Jis ne ajdaad maare hamarey, aa rahi hai yahaan us ki beti

Kholta paani pheko chaton se x2 Patharon ka karo intizaam

Shaam haaye Shaam