Haye Chacha Abbas

Jab dafn karne aaye, tan paash paash ko

Abid pukare dekh ke, Ghazi ki laash ko

Chacha main aap ki turbat, banaane aaya hoon

Sakina ab bhi hai pyaasi, bataane aaya hoon

1) Bataaoon kaise chacha kya, guzar gayi hum par

Har aik shehr mein maare, gaye hume pathar

Thi maayein phuphiyaan mere saath, ay Ali ke pisar

Yeh saare zulm ke qisse, sunaane aaya hoon

2) Haram ko chor ke Kufe se aa raha hoon chacha

Bataa gaye hain tumhari waseeyatein baba

Wahin ho qabr chida tha, jahan pe mashkiza

Kiya tha Sheh se jo wada, nibhaane aaya hoon

3) Hai teen roz se laashe, pe dhoop ka saaya

yeh haal dekh ke rota hai, khoon dil mera

Ghareeb hoon main kafan tum ko deh nahin sakta

Tumhari laash ke tukre, uthaane aaya hoon

4) Sakina raah mein naaqe se gir gayi thi abhi

wahin hain taazaa riwayat, kamar pe likhi huwi

Hai jaari khoon jo is waqt, eriyon se meri

Layeen se khaake, abhi taaziyaane aaya hoon

5) Tumhare saamne aati hai, sharm kehte huwe

Yeh baat karta bhala kaise, saamne unke

Abhi hai door yahan se, Bani Asad waale

Phupi ki chin gayi chaadar, batana aaya hoon

6) Layeen ne bachi ke gohar, ko ayse cheena tha

Giri zameen pe Sakina, main khoon rota tha

Wo jis zameen pe kaanon se, khoon tapka tha

Wo khaak rakhne tumhare, sirhaane aaya hoon

7) Bagher inke tum utre, the zeen se kaise

Haram to lut gaye yeh baazu, kat gaye jab se

Pare the door yeh laashe se, aap ke kab se

Kate yeh baazu badan se, milaane aaya hoon

8) Bana ke qabr Takallum wo bola ro ro kar

Yahan pe aayenge ab, zaaireen shaam o sahar

Jale khayaam ki rakh kar, lahad pe khaak magar

Main pehla farsh e aza ka, bichaane aaya hoon

Chacha main aap ki turbat banane aaya hoon