Khuda khair karay

Bint e Zahra ka khula sar hai, Khuda khair karay

Aur har haath mein pathar hai, Khuda khair karay

Bint e Zahra ka khula sar hai, Khuda khair karay

1) Hur ke betay pe hi Shabbir bohot roye thay x2

Ab to laash e Ali Akbar hai, Khuda khair karay

2) Maarte hain wahan naizon ko, zameen par zaalim x2

Dafn jis gaah Ali Asghar hai, Khuda khair karay

3) Kuch qadam door khari dekh, rahi hai Zainab x2

Shimr ke haath mein khanjar hai, Khuda khair karay

4) Chonk kar khaak se kehti thi, watan mein Sughra x2

Kissi mushkil mein mera ghar hai, Khuda Khair karay

5) Peeche deewaar hai aur jalta hua dar aage x2

Beech mein bint e Payambar hai, Khuda khair karay

6) Be rida jaana hai Zainab ko, wahan par ke jahaan x2

Har koyi dushman e Haidar hai, Khuda khair karay

7) Hai chari haath mein zaalim ke, labo par hai hassi x2

Tasht mein Sheh ka rakha sar hai, Khuda khair karay

8) Mir Sajjad yeh Sheereen ne, kaha rote huwe x2

Jis ki naize pe yeh chaadar hai, Khuda khair karay

Binte Zahra ka khula sar hai, Khuda khair karay

Khuda khair karay