Aayi jab Karbobala lot ke Bint e Zahra

Qabr e Abbas pe Zainab ne, kiya yeh noha

Tu agar hota to aisa, nahi hota Ghazi

Teri shehzaadi yun dar dar na, phiraayi jaati

Tu agar hota to aisa nahi hota Ghazi

Qabr e Abbas pe Zainab yeh, sada deti thi

1) Kabhi yasrab to kabhi suwe Najaf dekhte they

Kabhi teray kate shaanon ki, taraf deknhte they

Sheh ne Akbar ke kaleje se, nikaali barchi

2) Hogayi Sani e Zahra bhi, zayeefa Abbas

Saans letin hoon magar main nahi, zinda Abbas

Teray tukron ki qasam teri, behen toot gayi

3) Pyaas main bhi tujhe aawaaz diye jaatey they

Zer khanjar bhi tera naam, liye jaatey they

Gardan e Shah pe jab shimr chalata tha churi

4) Meray haathon ko bhi rassi se, gaya tha baandha

Main bhi hathon ka na le paayi, sahara bhaiyya

Jaise tu zee(n) se giraa waise, main naaqey se giri

5) Qaid khaana bhi ghareebi pe, meri rota hai

Laash mastoor uthaaye yeh, kaha hota hai

Farz beton ka nibha aayi, Ali ki beti

6) Kaise batlaaoon wo darbaar, ka manzar bhaiyya

Khelta tha sar e Sarwar se, sitamgar bhaiyya

Martaa tha meray mazloom ke, honton pe chari

7) Qabr mein chain se maasoom, ko sone na diya

Wo sitam dhaaya gaya kaamp, gayi Karbobala

Laash dhoondi gayi naizon se, Ali Asghar ki

8) Lar kharate they bohot paaon, to gir jaate they

Ho kahaan meray jawaa(n) ro ke, yeh farmaate they

Laash milti, na thi bhaiyya ko, Ali Akbar ki

9) Mir Sajjad yeh mehsoos, karoge tum bhi

Aati hai roza e Ghazi pe, sada Sarwar ki

Aaj bhi qaid hai zindaan mein, bachi meri

Tu agar hota to aisa nahi hota Ghazi