Haye Sajjad

Phir Fatima ke ghar mein, farsh e aza bichaa hai

Beemar-e-Karbala ka, taaboot uth raha hai

Karbobala ka zakhmi, yasrab mein chal basa hai

Beemar-e-Karbala ka, taaboot uth raha hai

Phir Fatima ke ghar mein, farsh e aza bichaa hai

Beemar-e-Karbala ka, taaboot uth raha hai

1) Zair e kafan bhi uski, aankhon se khoon hai jaari

Yaad aa rahi hai ghurbat, Sajjad ko padar ki

Roze se Mustafa ke, ailaan ho raha hai

Beemar-e-Karbala ka, taaboot uth raha hai

2) Baaqir se keh raha tha, saadaat ka gharaanaa

Pehlu mein nana jaan ke, mayyat na leke jaana

Pehle bhi ik janaaza, ghar waapas aa chuka hai

Beemar-e-Karbala ka, taaboot uth raha hai

3) Ab to Madine waalon, tum ko sukoon rahega

Royega aur na iski, aankhon se khoon bahega

Baba ko rone waala, khaamosh hogaya hai

Beemar-e-Karbala ka, taaboot uth raha hai

4) Mayyat ke aage aage, yeh koyi keh raha tha

Bazaar se guzre, Sajjad ka janaaza

Bazaar ko yeh qaidi, rota huwa gaya hai

Beemar-e-Karbala ka, taaboot uth raha hai

5) Maara hai is tarha se, zaalim ne zehr deke

Kat kat ke baahar aaye, iske jigar ke tukrey

Pehlu e Fatima ke, phir zakhm ik laga hai

Beemar-e-Karbala ka, taaboot uth raha hai

6) Taaboot se lipat kar, kehti hai koyi bachi

Zindaan se hai aayi, bhaiyya behen tumhaari

Aankhein to khol lo ab, sar par merey rida hai

Beemar-e-Karbala ka, taaboot uth raha hai

7) Akbar jo laash e Fizza, dafnaake uthe Mola

Aayi sada e Zainab, Baqir watan chala jaa

Sajjad ka janaaza, tayyar ho gaya hai

Beemar-e-Karbala ka, taaboot uth raha hai