Zahra qubool kijiye, pursa Hussain ka

Pyaase ka be watan ka x2 Shahe Mashraqain ka

Zahra qubool kijiye, pursa Hussain ka

1) Jab maah e Muharram ne khabar, ghum ki sunaadi

Rukh kar ke baqaiyya tale, momin ne sada di

Tashreef laaye farsh e x2 Aza Sheh ka bich gaya

2) Mazloom ke ghum mein huwi, maghmoom Khudayi

Phir naam pe pyaason ke, sabilein hain lagayi

Ghar ghar mein hain Hussain ki x2 Ghurbat ka tazkira

3) Har more pe dhaaras jo raha, Bint e Ali ki

Wo jiski shahadat pe kamar, Sheh ki jhuki thi

Us sher ke katay huwe x2 Shaanon ka waasta

4) Aayi jo Madine mein wo, zindaa(n) se palat kar

Ghar jaane se pehle gayin, maadar ki lahad par

Zainab ne maa ki qabr pe x2 Di pehli yeh sada

5) Ghazi ko isi maa ne, sikhayi thi wafaayein

Beton ke liye bharti bhala kaise wo aahein

Noha tha yeh baqaiyya mein x2 Ummul Baneen ka

6) Pardes mein ummat ne jisse, zakhm diye hain

Ik din mein jisse daagh, bahatar ke mile hain

Us par salaam jis ka x2 Bhara ghar ujar gaya

7) Jeene na diya usko, Musalmaano ne Bibi

Paala tha jisse aap ne, armaano se Bibi

Haaye rula rula x2 Usse zibha kar diya

8) Mazloom ki gardan pe wo, chalta huwa khanjar

Khoon un ko rulata hai, Takallum yehi manzar

Daadi ki ujri qabr pe, Mehdi ka hai noha

Zahra qubool kijiye pursa Hussain ka