Jalaa jo khaime se, marne Rasool jaisa pisar

To peeche peeche yeh kehte, huwe chale Sarwar

Mur mur ke mujhe daikhtay jana Ali Akbar

Kuch der to jee le tera x2 Baba Ali Akbar

Mur mur ke mujhe daikhtay jana Ali Akbar

1) Tum zee(n) se giroge to badal jaayegi dunya

Maqtal ki taraf kaun, hume leke chalega

Qaatil to batayenge na x2 Rasta Ali Akbar

2) Beemar e Madina ki khabar aati hi hogi

Tum saath liye jaate ho, beenaayi bhi meri

Main kaisay parhunga khat e x2 Sughra Ali Akbar

3) Hojayega mushkil mera, aana meray beta

Maqtal mein kahin door, na jaana meray beta

Ab mujh se chalaa bhi nahin, jaata Ali Akbar

4) Ehsaas tarapne ka hamaray tujhe hota

Meri tarha tu apna, jigar thaam ke rota

Tera bhi jo hota koyi x2 Beta Ali Akbar

5) Nana meray pooche jo, kahaan der lagayi

Keh dena ijaazat bari, mushkil se hai paayi

Lag jaao gale aake, dobara Ali Akbar

6) Nana gaye jab aayi thi, Amma pe zayeefi

Tum jaate ho haalat hai, ajab bint e Ali ki

Zainab huwi jaati hai, zayeefa Ali Akbar

7) Ay laal tujhe karta hoon, baba ke hawaale

Maidaan mein haste hain, khare barchiyon waale

Achi tarha phir dekhloon x2 Seena Ali Akbar

8) Sar peet ke Mola ne Takallum yeh sada di

Hai chaadar e Zainab meri, ghurbat ki gawaahi

Main tum ko kafan de nahi, sakta Ali Akbar

Mur mur ke mujhe daikhtay jaana Ali Akbar