Rukhsat ko aaye khaime mein, Jab Shah e Karbala

To Bint e Ali ne jor ke, haathon ko di sada

Zainab gale ko choom le bhaiyya to jaaiye

So jaaye thori dair Sakina to jaaiye

1) Amma kahengi dekh ke chehra lahu bhara

Zainab ne kya khayaal nahin, rakha bhaayi ka x2

Chaadar se saaf karlu jo chehra to jaaiye

So jaaye thori dair Sakina to jaaiye

2) Zainab ghareeb hogayi, kuch bhi nahin bacha

Laashein uthaake Aun o Muhammad ke main zara x2

Ik baar phir utaarlu sadqa to jaaiye

So jaaye thori dair Sakina to jaaiye

3) Jaaney da detey barchiyon waalon mein main kabhi

Wo maa hai aur kaniz hoon bhaiyya main aap ki x2

Ran mein bulaa rahi hai jo Zahra to jaaiye

So jaaye thori dair Sakina to jaaiye

4) Rokungi phir na aap ko waada rahaa mera

Nazdeek hai, yahan se Najaf Shah e Karbala x2

Aajaayein meray paas ja Baba to jaaiye

So jaaye thori dair Sakina to jaaiye

5) Lagta hai ran mein aap ka karta hai intizaar

Leh raha hai haath mein khanjar wo baar baar x2

Bhaiyya badal le shimr irada to jaaiye

So jaaye thori dair Sakina to jaaiye

6) Karni hai jang aakhri bhaiyya behen nisaar

Khoon beh raha hai kaise chalaayenge zulfiqar x2

Baazu ka zakhm baandh le behna to jaaiye

So jaaye thori dair Sakina to jaaiye

7) Zindaa(n) mein hum jo qabr e Sakina banaayenge

Kya aap leke Ghazi ko us waqt aayenge x2

Kar lijiye behen se yeh waada to jaaiye

So jaaye thori dair Sakina to jaaiye

8) Kaise bayaa(n) ho Mir Takallum wo bekasi

Yeh keh ke Bint e Fatima khaamosh ho gayi

Waade mein dair hoti hai acha to jaaiye

So jaaye thori dair Sakina to jaaiye

Zainab gale ko choom le bhaiyya to jaaiye

So jaaye thori dair Sakina to jaaiye