Tera matam ya hussain, tera matam ya hussain

Mera jeena mera marna

hai tera matam ya hussain

Farshay majlis aankh hai num, Humko pyara aapka gham

Ye zameen o aasma(n) par, Hota hai shaha ka matam

Soag me hashr talak hai, dooba doh aalam ya hussain

Khoob ki hai kya ita'at, Milgai usko shafa'at

Martaba aisa mila hai, hurr ne pai hai wo jannat

Kar rahay hai quld me wo, aapka matam ya hussain

Kartay hai aag ka matam, Hoga hargiz na kabhi kam

Moujuza shahay Zaman ka, Dekhlo aaj ye paiham

Aag banjati hai khud hi, sholo se shabnam ya hussain

Humko toofan se kya darr, Mera maalik moula sarwar

Rok paogein kaha tak, Ye Azadari ye lashkar

Jhuk saka na jhuk sakega, ocha hai parcham ya hussain

Moula sadiq ka zamana, Apni wo jaan lutana

Aur haathon ko katana, Ziarat e shaha ko jaana

Roknay per na ruka hai, ishq ka mousam ya hussain

Girgaya ghoday se ghazi, Ye fizao ne sada di

Thamkar tooti kamar ko, Pohchay abbas ke bhai

Sogaya baazu katakar, aapka humdum ya hussain

Subhe ashur Qayamat, Moula sarwar ki shahadat

Har qadam per hai musibat, Qalb e Zehra ki wo haalat

Rorahi hai khaak urdha kar, teri maa Jaanam ya hussain

Aasma'n ronay laga hai, Bas yehi aaho buka hai

Dasht ka sara wo manzar, Khoon me doob gaya hai

Pattharo ke seene me bhi, aapka hai gham ya hussain

Bint e Haider ki tamanna, Bhai ke gham me hai rona

Warna mushkil hoga jeena, Saath Abid ka tadapna

Qaid qanay me bhi hoga, aapka matam ya hussain

Ye mili humko sa'dat, Ibne Haider ki mohabbat

Hai Azadari ibadat, Hai hamari yehi Jannat

Har maraz ki ho shifa tum, zakhm ka marham ya hussain

Nauha khuwani ka Sharaf hai, Ye Tejani ka hadaf hai

Aur Akbar ki ata me, Karbala shahay Najaf hai

Hum karenge ta Qayamat, aapka matam ya hussain