Sakina Sakina

Zindaan se jab riha huwey, sadaat e Karbala

Maa ne lipat ke qabr e Sakina pe di sada

Utho Sakina chalein Karbala x2

Choti si turbat, pe maa ne kaha, utho Sakina chalein Karbala

Zindaa se jaata hai ab qafla, utho Sakina chalein Karbala

1) Mujhe shahzadi tumhari qasam, na rakhungi zindaan se baahar qadam

Safar ki ab hoti, hai taiyyariaan, amaari mein bethey hain ehle haram

Ghurbat ke meri tumhe waasta, utho Sakina chalein Karbala

2) Wo Pehle ke jaisi to ghurbat nahin, ay bibi hamari wo haalat nahin

Tumhey shaamiyon se ab ay meri jaan, kafan maangney ki zarurat nahin

Lo milgayi hai, tumhari rida, utho Sakina chalein Karbala

3) Mujhe yaad Asghar ki hai bekasi, lahad se wo mayyat nikali gayi

Akeley mein rehney na dungi tumhey, bharosa nahi shaamiyon ka koyi

Rehtey hain chaaro taraf ashqiya, utho Sakina chalein Karbala

4) Yeh shaami kahan tum, ko behlaaengey, tumhari lahad par nahi aaengey

Rahega andhera hi zindaan mein, haram jab yahan se chale jaaengey

Kon aaeyga phir, jalaaney diya, utho Sakina chalein Karbala

5) Kahani padar ki, sunaaungi main, agar neend aayi sulaungi main

Akeley na naaqey pe baithogi tum, tumhey saath apney bithaungi main

Ab to rasan mein, no hoga gala, utho Sakina chalein Karbala

6) Mujhe maar daalega bas yehi ghum, kamar mein hai beti tumhari jo khum

Varam baazuon ka, mujhe yaad hai, tumhey to dikhayi bhi deta hai kum

Akbar se bibi milegi shifa, utho Sakina chalein Karbala

7) bari deir tehri, hai darbaar mein, yahan par na roko ziyada unhe

Ke pehlu pe ik haath rakhe huwey, sada de rahi hai Sakina tumhey

Leney ko aayi hai khud Sayyada, utho Sakina chalein Karbala

8) Thi Zindaan mein Akbar, ajab wo ghari, rihaayi pe roti thi har ik phuppi

Idhar khoon rota tha Abid udhar, Sakina lahad mein tarapti rahi

Jab bhi yeh maadar ne rokar kaha, utho Sakina chalein Karbala