Abbas ki behen ko, shaami rula rahey hain, chaadar dikha dikha kay

Rasta bana rahi hai, Bint e Ali ka Fizza, Kaantein hata hata ke

1) Pardes mein kisi par, aisa na waqt aaye

Na mehramon mein koyi, yu(n) be rida na jaaye

Kartey hai yeh duaaein, ehle haram ke bachey, jholi utha utha kay

2) Bhaayi behen ki aankhein, num hoti jaa rahi hai

Bint e Ali ki saansein, kum hoti jaa rahi hai

Khanjar chalaa raha hai, Zainab ke dil pe zaalim, khanjar dikha dikha kay

3) Ik bachi keh rahi hai, aao madad ko baba

Daadi ki tarha main bhi, ab ho gayi zayeefa

Zakhmi kiya hai pehlu, naaqey se zaalimon ne, mujh ko gira gira kay

4) Pardey mein bhi jo Bibi, chalti na thi ziyada

Pardes mein ab un par, aaya hai waqt kaisa

Laaye hain shaam waaley, un shahzadiyon ko, paidal chala chala kay

5) Wo shaamiyon ke taaney, wo muskuraate chehrey

Be parda saath apne, Bint e Ali ko lekey

Sajjad kaise bhoolay, us bheer se guzarna, nazrein jhuka jhuka kay

6) Jaatey hain jis taraf bhi, ehle haram khuley sar

Khaati hain pehley durra, khaati hai pehley pathar

Apne lahu mein tar hai, Zahra ki betiyon ko, Fizza bacha bacha kay

7) Zakhmon ki wo Takallum, taadaad jaantey hain

Mehdi ko bhi khabar hai, Sajjad jaantey hain

Maarey hai kis ne kitney, Haidar ki laadli ko, pathar utha utha kay