Ghorey se girke jab Ali, Akbar ne di sada

Apni kamar ko thaam ke, Shabbir ne kaha

Karyal Jawaan ki laash, uthaane chaley hain hum

Seedhi ho ay kamar tujhey, Abbas ki qasam

Karyal jawaan ki laash, uthaane chaley hain hum

Seedhi ho ay kamar, tujhey Abbas ki qasam

1) Yeh imtihaan zaeefi mein, mujhko nibhaana hai

Akbar ko lekey khaima e, Zainab mein jaana hai

Rastey mein lar kharaey na, Shabbir ke qadam

Seedhi ho ay kamar, tujhey Abbas ki qasam

2) Ghurbat pe apni roya hai, khud ibn e Fatima

Gir gir ke tay kiya hai, maqtal ka faaslaa

Bus hum se door laash hai, Akbar ki do qadam

Seedhi ho ay kamar tujhey Abbas ki qasam

3) Raasha hai is qadar ke, laraztey hain merey haath

Haye laasha hai yeh Rasool ka, Akbar ke saath saath

Do laashey aik saath, uthaaenge kaisey hum

Seedhi ho ay kamar, tujhey Abbas ki qasam

4) Is haal mein kahin mujhey, Zahra na dekhlein

Meri kaamr jhuki huwi, Baba na dekhlein

Aatey hi honge meri, madad ko shah e umam

Seedhi ho ay kamar, tujhey Abbas ki qasam

5) Seene mein keh ke tori hai, zaalim ne yeh sina

Ab dekhna Hussain ki, niklegi kaisey jaan

Zaalim ko yeh bataana hai, ibn e Ali hai hum

Seedhi ho ay kamar, tujhey Abbas ki qasam

6) Is haal mein khayaam mein, jaaonga kis tarhan

Zainab ki kaayinaat, uthaunga kis tarha

Zahra ka chaand Karbobala mein huwa hai khum

Seedhi ho ay kamar, tujhey Abbas ki qasam

7) Amma ke saath milkey, sina maine khainchli

Haathon mein ab hamaarey ho, taaqat nahi rahi

Abbas kya gaey merey, baazu huwe qalam

Seedhi ho ay kamar, tujhey Abbas ki qasam

8) Baahein galey mein daaldi, Akbar ne jis ghari

Ibn e Ali ne rokey, Takallum sada yeh di

Saansein bachi hain ab merey, Akbar ke paas kum

Seedhi ho ay kamar, tujhey Abbas ki qasam