Karbala chalo, Karbala chalo

Lo agaaya bulaawa x2 Mazloom Karbala ka, Karbala chalo

Karbala chalo, Karbala chalo

1) Maa muntazir hai betey ke, ghumkhaar aaengey

Aakar merey Hussain ke, aansu bahaaengey

Bint e Rasool takti hai x2 Tum sab ka raasta, Karbala chalo

2) Zahra ka laal qabr mein, hasrat yeh legaya

Akbar ka kalma goyon ne, pursa nahi diya

Ab Sheh ko lena x2 Karyal jawaan ka, Karbala chalo

3) Jee bahr ke apne bhaayi ko, Zainab na ro saki

Majlis zameen Karbobala par, na ho saki

Armaan Sayyada mein x2 bichaane saf e aza, Karbala chalo

4) Khanjar taley Hussain ki, aahein gawaah mein

Halmin mugheesuna ki, sadaeyin gawaah hai

Kab se humey bulaata hai x2 Zahra ka laadla, Karbala chalo

5) Jis khaak ne chupaaya hai, Bint e Ali ka sar

Jisne kafan banaaya tha, laash e Hussain par

Us Karbala ki khaak ka x2 Karney ko shukriya, Karbala chalo

6) Baazu kataake jis jaga, Abbas sogaye

Armaan bawafa ke, jahan dafn hogaye

Aansu wahaan giraayenge x2 Paani jahaan gira, Karbala chalo

7) Qismat se waqt aaeyga, jab yeh hayaat mein

Tum apni betiyon ko bhi, lejaana saath mein

Akbar ko wo sunaayengi x2 Sughra ka marsiya, Karbala chalo

8) Ik saal baad bhaayi ka, sar jis gahri mila

Abid se ro ke kehti thi, yeh Bint e Sayyada

Dafnaaoongi main haathon se x2 Sar apney bhaayi ka, Karbala chalo

9) Chehlum bhi apney baap ka, bachi na karsaki

Roti huwi wo shaam ke zindaan mar gayi

Ay kaash koyi kehdey, Sakina se yeh zara, Karbala chalo

10) Is saal Arbaeen pe, aisa ho ehtemaam

Ay kaash zaairon mein ho, shaamil hamara naam

Aur dein humein bhi Hazrat e Abbas yeh sada, Karbala chalo

11) Ghurbat musaafiron ki, musaafir samajh sakey

Kaisey chali thi bibiyaan, andaaza ho humein

Aansu bahaatey shehr e Najaf se piyaada paa

12) Chehlum pe jaisey aati hai, Zainab bhi shaam se

Izn e safar miley jo, Takallum Imam se

Har ik qadam zahoor ki, kartey huwe dua, Karbala chalo