Ghairat e Mustafa (saww) Be Rida Aa Gai

Bint e Sher e Khuda (as) Be Rida Aa Gai

Mazloom e Karbala (as) Ki Azadar Aa Gai

Zainab (sa) Barehna Sar Jo Bazaar Aa Gai

1) Talwaar Ke Baghair, Larungi Main Aesi Jang

Khutbay Parhungi Aesay, Ke Dushman Bhi Hongain Tang

Daikho Hussain (as) Tum Bhi, Hamaray Jihad Ko

Zainab (sa) Hai Aj Ban Ke, Alamdar Aa Gai

2) Zainab (sa) Ne Zindagi Mein, Na Daikhi Koi Khushi

Roti Huwi Woh Shaam Ki, Raahon Mein Mar Gai

Tanha Lahad Main Bhai Ko, Rone Ke Waste

Sarkaar e Panjetan Ki, Woh GhamKhaar Aa Gai

3) Jis Dum Utha Yeh Shor Ke, Pyaase Ko Maar Lo

Jaldi Karo Nabi (saww) Ke, Nawasay Ko Maar Lo

Sun Kar Yeh Shor Dhundti, Tanha Hussain Ko

Maqtal Mein Bint e Haider e, Karar (as) Aa Gai

4) Chehlum Ko Karbala Mein, Jo Pohancha Tha Qaafla

Zainab (sa) Nay Keh Kay Naaqey Say, Khud Ko Giraya Tha

Badley Chuka Ke Baba Ke, Saarey Mairay Hussain (as)

Chehlum Mananay Aap ki, Zawaar Aa Gai

5) Mehshar Kay Roz Aayegi, Jab Naayib e Batool

Tanweer Yeh Kahaingey, Khuda Se Mairay Rasool

Zinda Rakhai Hain Jis Nay, Iraade Hussain (as) Ke

Ya Rab Woh Mairay Dee(n) Ki Madadgaar Aa gai