Kehti thi laal meray

Shabbir tera aaqa hai

Is tarha se Ghazi ko Ummul Baneen ne paala hai

Jab waqt aaye mushkil

Zehra ke ladle par

Shabbir ki hifazat

Karna tu dhaal bankar

Yeh maan ki hai waseeyat

Aur yehi hukm mera hai

Is tarha se Ghazi ko Ummul Baneen ne paala hai

Is ghar mein tu humesha

Bankar ghulam rehna

Aulad-e-Fatima ko

Bhai behen na kehna

Khaakar qasam tu kehde

Maan tujh say mera wada hai

Is tarha se Ghazi ko Ummul Baneen ne paala hai

Tujhko namaz-e-shab mein

Manga hai khud Ali ne

Rab se duaein ki hain

Allah ke wali ne

Tu hai dua Ali ki

Tu aarzu-e-Zehra hai

Is tarha se Ghazi ko Ummul Baneen ne paala hai

Mainay jo kuch kaha hai

Rakhna wohi irada

Aal-e-Rasool se tu

Aisay nibhaana wada

Main fakhr se kahoon ke

Abbas mera beta hai

Is tarha se Ghazi ko Ummul Baneen ne paala hai

Kitna hai naaz tujhpar

Zehra ki betiyon ko

Hai aas tujhpe beta

Kis darja bibiyon ko

Saydania ko beta

Tujhpar bohat bharosa hai

Is tarha se Ghazi ko Ummul Baneen ne paala hai

Karbobala ki khatir

Paala hai tujhko mainay

Sanchay mein khuda wafa ke

Dhaala hai tujhko mainay

Jo teer Sheh pe aaye

Tujhko jigar pe khaana hai

Is tarha se Ghazi ko Ummul Baneen ne paala hai

Ummal Baneen jaisi

Maan par salaam Safdar

Pursa main deraha hoon

Farshe aza bichakar

Tejani hain baradar

Inke labon pe noha hai

Is tarha se Ghazi ko Ummul Baneen ne paala hai

Ummul Baneen ne paala hai