Khuda Khair Karay

Us taraf zulm pe amaada zamaane waaley x2

Is taraf saarey Muhammad ke, gharaane waaley

Kon kiska hai tarafdaar, Khuda khair karay

Karbala hogayi tayyaar, Khuda khair karay x2

Yeh qayamat ke hain asaar, Khuda khair karay

1) Roz e ashur hawaaon se barasta hai lahoo x2

Lut gayi kis ki yeh sarkaar, Khuda khair karay

2) Yeh to mumkin hi nahi hai ke jhukadey sar ko x2

Kya karey saahib e kirdaar, Khuda khair karay

3) Bhaayi jaatey hai khudahafiz o naasir kehkar x2

Behenein kehti hain yeh har baar, Khuda khair karay

4) Wo jo ghorey se gira saath girey mashk o alam x2

Na alam hai na alamdaar, Khuda khair karay

5) Itney sadmey hai jo Sajjad ko sehney hain abhi x2

Beriyaan hoti hai tayyaar, Khuda khair karay

6) Aaj bhi seeno(n) mein zindaa hai Hussain ibn e Ali x2

Saara aalam hai azadaar, Khuda khair karay

7) Aaney waaley yuhi aatey rahey rozo(n) pe sada x2

Kum na ho aap ke zawwaar, Khuda khair karay

8) Sheh ke matam mein 'Hilal' aysi fizaa goonj uthi x2

Huwey larzaa dar o deewaar, Khuda khair karay