Ay Abbas (as) Haye Abbas

Aal e Imraan Kahan, Aur Zindan Kahan

Ley Behan Qaid Hui, Tu Na Aya Ghazi (as)

Aagaey Shaam e Alam, Lut Gaye Ehl e Haram

Reit Per Jalti Hui, Hogaya Thanda Alam

Pursa Denay Ke Liye, Mujh Sey Milne Ke Liye, Agaye Baba Ali

Dhoop Mei Tu Tha Shajar, Tujhse Aabaad Tha Ghar

Hai Barehna Mera Sar, Kya Nahi Tujh Ko Khabar

Ay Alamdaar e Wafa, Is Bahen Ko Ba Khuda, Tujhse Dhaaras Thi Bari

Kya Kahoon Sher Meray, Be Rida Hum Ko Liey

Ye Musalmaa(n) Saare, Shehr Dar Shehr Gaey

Khilqat e Kufa Kabhi, Khilqat e Shaam Kabhi, Baaraha Hum Pe Hasi

Kitni Bebas Thi Behen, Ay Shehenshah e Wafa

Naam Le Le Ke Mera, Jab Ye Zaalim Ne Kaha

Naaz Tha Jis Pe Tujhe, Ab Bulaaona Usay. Aur Mai Roti Rahi

Hum Ko Paani Na Mile Teri Khushboo To Rahay

Teray Baazu Na Katein, Chaahe Mashkeeza Chiday

Ye Magar Ho Na Sakaa, Teray Baazu Hain Juda, Mujh Pe Hai Tashna Labi

Kya Sakina Se Kahoon, Ay Meray Dil Ke Sukoon

Haaey Paani Ke Liye, Beh Gaya Sub Tera Khoon

Ab Koi Aas Nahi, Tu Meray Paas Nahi , Rassi Shaanon Main Bandhi

Jab Chali Sheh Pe Churi, Ay Meray Sher e Jari

Haath Malti Thi Behan, Kuch Qadam Door Khari

Kat Gaya Sheh Ka Gala, Haaey Bhaai Ny Sada. Mujh Ko Har Zarb Py Di

Qaid Khaane Mei Qaza, Jab Sakina Ko Mili

De Ke Kurtey Ka Kafan, Bachi Dafnaai Gayi

Us Ghari Naam Tera, Surat e Naad e Ali, Bus Mai Dohraati Rahi

Roya Rehan Qalam, Kar Ke Ye Baat Raqam

Khoon Mei Doob Gaya, Mera Ghazi Ka Alam

Zakhmi Zainab Ka Jigar, Khoon Fishaa(n) Shah Ka Sar, Aaye Khaimon Mei Shaqi

Tu Na Aya Ghazi