Maa Kehti Thi Jalte Huay Jhule Se Lipat Kar

Haye Haye Ali Asghar , Haye Haye Ali Asghar

Zaalim Ne Tujhe Qabr Se, Is Tarha Nikala

Seene Pe Lagaa Jis Ghari, Beta Tere Naiza

Laashe Ko Tere Dekh Ke, Bola Sar-e-Akbar

Haye Haye Ali Asghar

Maa Ke Dulaare Ali Asghar , Ankhon Ke Taare Ali Asghar

Qatil Tera Mil Jaye To, Khud Pooch Lun Us Se

Kya Jurm Tha Che Maah Ke, Bache Ka Bata De

Us Ne To Bulaaya Nahi, Maa Bhi Mujhe Keh Kar

Haye Haye Ali Asghar

Ab Tak Meri Aankhon Se Wo Manzar Nahi Jata

Gardan Se Teri Khoon Tapak Ta Raha Beta

Rumaal Bhi Baandha Na Gaya Tere Galey Par

Haye Haye Ali Asghar

Jis Teer Se Naaqey Ko Giraate Hain Zameen Par

Wo Teer Laga Nanne Se Halqoom Pe Aa Kar

Tum Khoon Ugalte Rahe, Baba Se Lipat Kar

Haye Haye Ali Asghar

Tum Mar Gaye Yeh Baat Wo Ab Tak Nahi Maani

Zid Karti Hai Bhaai Ko Pilaaungi Mai Paani

Kooza Liye Maqtal Mein Khari Hai Teri Khaahar

Haye haye Ali Asghar

Majboor Thi Ghar Mein Mere Paani Hi Nahi Tha

Warna To Dhulaa Deti Main Ye Khoo(n) Bhara Chehra

Daadi Sy Shikaayat Nahi Karna Meri Jaakar

Haye Haye Ali Asghar

Maara Hai Sitamgar Ne Sakina Ko Tamacha

Ghazi Ki Tarhaa Tum Se Bhi Dekha Nahi Jaata

Band Aankhein Kiye Rote Ho Tum Noke Sina Par

Haye Haye Ali Asghar

Sar Is Liye Naizay Se Giraa Dete Ho Apna

Godi Mein Meri Aana Hai, Shaayad Tumhe Beta

Lekin Hai Bandhe Haath Uthaa Sakti Nahi Sar

Haye Haye Ali Asghar

Sajjad Wo Kehti Thi Chalaa Bhi Nahi Jaata

Do Chaar Qadam Baad Hi Gir Jaati Hoon Beta

Meri Bhi Kamar Kham Hai Teri Lash Utha Kar

Haye Haye Ali Asghar

Maa Kehti Thi Jalte Huay Jhule Se Lipat Kar, Haye Haye Ali Asghar

Maa ke dulaarey Ali Asghar, Aankhon ka taara Ali Asghar