Logo Bazaarey Shaam Key Woh Rastey Shaami Saja Rahey They

Jin Rasto(N) Pey Qaydi Bana Kar Ali Ki Betiya(N) Mal’oon La Rahey They



Shabbir Ki Gardan To Bas Ik Baar Kati Hey

Zainab To Har Ik Mor(R) Pey Haye Qatl Huwi Hey

Ahmad Ko Kesey Kesey Ye Kalma Par(R)Hney Waaley Ehsa(N) Lota Rahey They



Sajjad Lahu Roya Hey Baazaro(N) Mey(N) Aakey

Zainab Ney Par(R)Hey Khutbey Aghyaro(N) Mey Aakey

Hai Kesey Musalma(N) They Ahmed Ki Aal Pey Jo Patthar Gira Rahey They



Tatheer Ki Waaris Hey Jo Paaband E Rasan Hey

Baani Jo Wafa Ka Hey Ye Uski Behen Hey

Ye Baat Kartey Kartey Aankho(N) Sey Khoon(N) Key Aa(N)Su Aabid Baha Rahey They



Mastoor Har Ek Zakhmi Nahi(N) Sar Pey Ridaye(N)

Baccho(N) Ko Bhi Maqtal Mey Hi Chhor(R) Aayi Hey(N) Maaye(N)

Akbar Key Hey(N) Baraati Jo Qayd Ho Key Saarey Ab Shaam Aa Rahey They



Zainab Ka Khula Sar Tha Or Mehvey Safar Thi

Abbas Ki Nezey Pey Bhi Hai Neechi Nazar Thi

Baaghi Ki Behen Hey Ye Ha(N)S Ha(N)S Key Shaam Waaley Baatey(N) Bana Rahey
They



Zinda Key Andherey Mey Sakina To Darey Gi

Rowegi Ye Baaba Ko Bohot Yaad Karey Gi

Ey Kaash Soch Letey Akhtar Ye Shaam Waaley Kyu(N) Zulm Dhaa Rahey They