Deher Mey(N) Rasmey Wafa Terey Gharaney Sey Chali

Dee(N) Ki Sarkaar Khadija Key Khazaney Sey Chali

Kishti-Ey Haq Abu Talib Key Chalaney Sey Chali

Ey Wafadaar E Hussayn \- Ey Alamdaar E Hussayn

Ab Bhi Bey Misl Hey Tareekh Mey Imra(N) Ki Wafa

Jis Ne Honey Na Diya Qatl Rasoole Do-Sara

Is Sey Pehley Kabhi Dekha Na Suna Eysa Chacha

Ey Wafadaar E Hussayn \- Ey Alamdaar E Hussayn

Deeney Islam Ko Parwan Char(R)Haya Jis Ney

Apney Bistar Pey Bhateejey Ko Sulaya Jis Ney

Woh Tera Jad Hey Muhammad Ko Bacchaya Jis Ney

Ey Wafadaar E Hussayn \- Ey Alamdaar E Hussayn

Phir Wafao(N) Ney Liya Haider E Karrar Ka Naam

Saari Dunya Ko Diya Jis Ney Wafa Ka Peyghaam

Fakhar Kartey The Sada Jis Pey Sada Rasool E Islam

Ey Wafadaar E Hussayn \- Ey Alamdaar E Hussayn

Kon Laaye Ga Zamaaney Mey Misaal E Hayder

Teer Khud Rok Liye Jism Pey Apney Bar(R)H Kar

Haa(N) Magar Aanch Na Aaney Di Kabhi Bhai Par

Ey Wafadaar E Hussayn \- Ey Alamdaar E Hussayn



1--- Ab Zaroorat Thi Key Ik Eysa Wafadaar Bhi Ho

Jo Payambar Key Nawasey Ka Tarafdaar Bhi Ho

Tegh Utha Ley To Wahi Hayder E Karrar Bhi Ho

Ey Wafadaar E Hussayn \- Ey Alamdaar E Hussayn



2--- Jiska Saaya Ho Haram Par Wo Ridaey(N) Maangi

Jo Kabhi Khatm Na Ho(N) Eysi Wafaey(N) Maangi

Aa Key Hayder Ney Musalley Pey Duaey(N) Maangi

Ey Wafadaar E Hussayn \- Ey Alamdaar E Hussayn



3--- Daamaney Fatema Zahra Ka Woh Almaas Bana

Sab Rasoolo(N) Ki Wafao(N) Ka Woh Akkaas Bana

Jab Dua D(D)Hal Gayi Peykar Mey To Abbas Bana

Ey Wafadaar E Hussayn \- Ey Alamdaar E Hussayn



4--- Jholiya(N) Sab Ney Bhari Hey(N) Teri Kheyraaato(N) Sey

Tera Iysaar Numaya Hey Teri Baato(N) Sey

Likh Di Tareekhey Wafa Tu Ney Kat(T)Ey Haatho(N) Sey

Ey Wafadaar E Hussayn \- Ey Alamdaar E Hussayn



5--- Tu Qamar Hey Meri Taqdeer Munawar Kardey

No Jawaano Ko Fidaye Ali Akbar Kardey

Merey Baccho(N) Ko Ghulam E Ali Asghar Kardey

Ey Wafadaar E Hussayn \- Ey Alamdaar E Hussayn



6--- Terey Parcham Key Taley Saarey Azaadar Rahey(N)

Jaa(N) Lutaney Key Liye Deen Pe Tayyar Rahey(N)

Martey Martey Bhi Shahe Dee(N) Key Azadaar Rahey(N)

Ey Wafadaar E Hussayn \- Ey Alamdaar E Hussayn



7--- Bhai Ko Bhai Sey Tawfeeq E Wafa Dey Mola

Be Hayai Ki Hey Yalghaar Haya Dey Mola

Qaum Ki Behno(N) Ko Gheyrat Ki Rida Dey Mola

Ey Wafadaar E Hussayn \- Ey Alamdaar E Hussayn

Tu Hey Hashim Ka Qamar Noor E Haqeeqat De Dey

Mujh Sey Jahil Ko Zara Darsey Shariyat De Dey

Or Baccho(N) Ko Merey Ilm Ki Dolat De Dey

Ey Wafadaar E Hussayn \- Ey Alamdaar E Hussayn



8--- Jazba E Ishq Ko Parwaan Chharha Dey Mola

Apney Darbar Ka Deedar Kara Dey Mola

Qaum Ko Shah Ka Zawwar Bana Dey Mola

Ey Wafadaar E Hussayn \- Ey Alamdaar E Hussayn

Perowey Bu Zaro Qambar Hey Bilal Sarwar

Teri Dehleez Ka Nokar Hey Bilal Sarwar

................... Tera ................ Hey Bilal Sarwar

Ey Wafadaar E Hussayn \- Ey Alamdaar E Hussayn



9--- Dil Mey Hasrat Hey Key Jis Khaak Pey Quran Gira

Fatema Zehra (Sa) Ne Baalo(N) Sey Jisey Saaf Kiya

Wo Jaga Dekhu(N) Jaha(N) Qatl Huwey Shahey Huda

Ey Wafadaar E Hussayn \- Ey Alamdaar E Hussayn



10--- Wo Jaga Dekh Luu(N) Akbar Jaha(N) Ghor(R)Ey Sey Gira

Wo Jaga Dekh Luu(N) Asghar Ko Jaha(N) Teer Laga

Wo Jaga Dekh Luu(N) Qasim Jaha(N) Paamaal Huwa

Ey Wafadaar E Hussayn \- Ey Alamdaar E Hussayn

Sheh Ki Tanhai Zara Dekhney Aao Abbas

Sakht Mushkil Hey Na Ab Deyr Lagao Abbas

Kon Rukhsat Karey Bhai Ko Batao Abbas

Ey Wafadaar E Hussayn \- Ey Alamdaar E Hussayn

Bhanjey Qatl Huwey Kasim Muztar Bhi Nahi

Merey Nana Ki Nishani Ali Akbar Bhi Nahi

Mukhtasar Ye Hey Key Gehwaarey Mey Asghar Bhi Nahi

Ey Wafadaar E Hussayn \- Ey Alamdaar E Hussayn



11---Dekho Zanab Ka Jigar Gham Sey Phata Jaata Hey

Shimr Khanjar Liye Seeney Pey Char(R)Ha Jaata Hey

Jald Aawo Key Gala Sheh Ka Kata Jaata Hey

Ey Wafadaar E Hussayn \- Ey Alamdaar E Hussayn

Dekh Sheh Qatl Huwey Aur Idhar Aag Lagi

Merey Bhayya Merey Ghazi Merey Abbas Jari

Ye To Batlao Kidhar Jaye Bhala Aaley Nabi

Ey Wafadaar E Hussayn \- Ey Alamdaar E Hussayn



12--- Laakey Gauhar Jo Bar(R)Ey Pyar Sey Pehnaye The

Shimr Kano Sey Wahi Kheeench Raha Hey Bun-Dey

Tum Ko Ro Ro Key Bulati Hey Sakina Kab Sey

Ey Wafadaar E Hussayn \- Ey Alamdaar E Hussayn

Kyu(N) Terey Aanney Mey Takheer Huwi Jaati Hey

Jaa(N) Ba-Lab Dukhtarey Shabbir Huwi Jaati Hey

Bey Rida Balwey Me Hamsheer Huwi Jaati Hey

Ey Wafadaar E Hussayn \- Ey Alamdaar E Hussayn



13--- Waqtey Imdaad He E’jaaz Dikhao Abbas

Tum Ko Ab Maa Ki Qasam Neher Sey Aao Abbas

Aakey Beti Ko Tamaacho(N) Sey Bachao Abbas

Ey Wafadaar E Hussayn \- Ey Alamdaar E Hussayn



14--- Binte Sarwar Ki Fugha(N) Qalb Ko Barmaati Hey

Ammu Ammu Ki Sada Rooh Ko Tar(R)Paati Hey

Istaghasey Ki Sada Ab Bhi Bilal Aati Hey

Ey Wafadaar E Hussayn \- Ey Alamdaar E Hussayn