(Ghazi Ke Baad Misle Alamdaar Thi Zainab) X2

1. Khud Qaafela Aur Qaafela Saalaar Thi Zainab

(Ghazi Ke Baad Misle Alamdaar Thi Zainab) X2

Jab Fouje Huseini Ka Alam Daar Margaya

Mashkiza Khun Mei Baali Sakina Ka Bhar Gaya

Lashkar Uduu Ka Laashon Ko Paamaal Kar Gaya

Karbobala Ka Dard Se Chehra Utar Gaya

(Mouje Faraat) X3 Ranj Ka Ehsaas Bangayi

Zainab Alam Ko Thaamke Abbas Bangayi

2. Daaman Se Ashk Ponch Ke Haider Ki Laadli

Lekar Haram Qaafela Yun Shaam Ko Chali

Tewar Who The Ke Jaafaare Tayyaar Thi Zainab

(Ghazi Ke Baad Misle Alamdaar Thi Zainab) X2

3. Chadar Nathi To Baalon Ko Chadar Banaa Liya

Khutbon Ko Dil Malul Ne Khanjar Banaa Liya

Abbas Ke Jalaal Ka Izhaar Thi Zainab

(Ghazi Ke Baad Misle Alamdaar Thi Zainab) X2

4. Haider Ki Guftugu Ka Sarapa Bani Huwi

Abbas Ke Alam Ka Phareraa Bani Huwi

Bachon Ke Haq Mei Saayaae Diwaar Thi Zainab

(Ghazi Ke Baad Misle Alamdaar Thi Zainab) X2

5. Ponchi Dayaare Shaam Mei Haider Ki Shaan Se

Naade Ali Ka Wird Tha Jaari Zubaan Se

Soya Huwa Tha Waqt To Bedaar Thi Zainab

(Ghazi Ke Baad Misle Alamdaar Thi Zainab) X2

6. Khutbon Se Apne Takhte Yazidi Hilaa Diya

Zaalim Ka Taaj Pairon Mei Apne Giraa Diya

Kehne Ko Ranjo Gham Mei Giraftaar Thi Zainab

(Ghazi Ke Baad Misle Alamdaar Thi Zainab) X2

7. Aayi Palat Ke Shaam Se Karbobala Mei Jab

Dekha Ke Jalti Ret Pe Laashe Pare Hai Sab

Deti Kafan Kahaan Se Ke Laachaar Thi Zainab

(Ghazi Ke Baad Misle Alamdaar Thi Zainab) X2

8. "Rehan" Farshe Gham Jo Bichaa Hai Hussein Ka

Matam Jo Do Jahaan Mei Bapaa Hai Hussein Ka

Dunya Mei Pehli Sheh Ki Azadar Thi Zainab

(Ghazi Ke Baad Misle Alamdaar Thi Zainab) X2