Ye farshay aza hai Zehra ki dua hai

Majlis ka saleeqa zainab se mila hai

Ghazi ki dua lo parcham ko uthakar

Tum jaao yaha se doh ashk bahakar

Aansu hi tumharay mehshar ki baqa hai

Ye farshay aza hai Zehra ki dua hai

Majlis ka saleeqa zainab se mila hai

Azmat hai ye matam ulfat hai ye matam

Nizbat hai ye matam saadat hai ye matam

Is qalb me mere bas karbobala hai

Ye farshay aza hai Zehra ki dua hai

Majlis ka saleeqa zainab se mila hai

Aankho se nikalkar jo behtay hai aansu

Rumaal me Zehra ke rehtay hai aansu

Firdous hamari bas iski jaza hai

Ye farshay aza hai Zehra ki dua hai

Majlis ka saleeqa zainab se mila hai

Hamsheer ka armaan shabbir ka matam

Is gham me sabhi ki har aankh huwi num

Ye farsh aza ka Har ghar me bicha hai

Ye farshay aza hai Zehra ki dua hai

Majlis ka saleeqa zainab se mila hai

Barpa huwi majlis jab farshay aza per

Abid nazar aaye ghash me kahi(n) rokar

Har jinn o bashar sab masroof e buka ha

Ye farshay aza hai Zehra ki dua hai

Majlis ka saleeqa zainab se mila hai

Kis ja pe ho Asghar kehti hai sakina

Bechain tere bin rehti hai sakina

Masnad pe aza ki behna ki sada

Ye farshay aza hai Zehra ki dua hai

Majlis ka saleeqa zainab se mila hai

Shabbir ki Nusrat hai farshay aza me

Mehsus ye hoga ho karbobala me

Ek teigh ke nichay Sarwar ka gala hai

Ye farshay aza hai Zehra ki dua hai

Majlis ka saleeqa zainab se mila hai

Aey momino samjho azmat ye aza ki

Karti hai jo shirkat zehra ki sawaari

Haq me ye sabhi ke ek maa ki dua hai

Ye farshay aza hai Zehra ki dua hai

Majlis ka saleeqa zainab se mila hai

Akbar tera noha sunkar mere moula

Wo humko Tejani dikhlaengey rouza

Khadim hu mai sheh ka rutba ye mila hai