Hay Yasrab se jab ik musafir chala

Apna ghar chhor kar dee(n) ki khatir chala

us ne socha tha kya

aur kya hogaya

jangalo ki nazar qafla hogaya

amn ka it watan dhundte dhundte

Haaye

Qaafley ka jo sardaar-o-salaar tha

us se pyaare nabi ko bara pyaar tha

baad pyaare nabi ke musalmaan ne

us ka kaata gala haal aisa kiya

thak gayi(n) us ki behne(n), bahoo, betiyaa(n)

us ka zakhmi badan, dhundte dhundte

jangalo ki nazar qafla hogaya

amn ka it watan dhundte dhundte

Haaye

Qatl karne pe hi iktifa na kiya

Us ke laashe pe ghorey bhi dora diye

kaati ungli angoothi utaari gayi

loot kar jism ka pairahan legaye

us ki hamsheer qatil ke ghar tak gayi

bhai ka pairahan dhundte dhundte

jangalo ki nazar qafla hogaya

amn ka it watan dhundte dhundte

Haaye

Aik nanna sa laasha jo Shabbir ne

khaak e karbal mei(n) ro ro ke dafna diya

haaye aisi jafaa baad marne ke bhi

us ki turbat pe ki zulm ki inteha

kitne mal'un neze liye aa gaye

aik tashnadahan dhundte dhundte

jangalo ki nazar qafla hogaya

amn ka it watan dhundte dhundte